DICTIONARIO ENCYCLOPEDIC DE INTERLINGUA

Car amicos,

Nos vole communicar a vos le edition in internet del Dictionario Encyclopedic de Interlingua del grandissime interlinguista Toma Macovei.

Illo es dividite in tres sitos:

https://sites.google.com/site/archivodeinterlingua/

https://sites.google.com/site/archivodeinterlingua2/

https://sites.google.com/site/archivodeinterlingua3/

debite al grandor del obra.

Il se tracta del 1534 paginas scannate a partir del original mechanographate, le quales ha essite inviate a nos per nostre amico George Petrineanu, qui ha facite tote le labor de scannamento del original.

Nos comencia nunc le travalio de digitalisation de iste magnific obra a fin que alicun die iste obra titanic de nostre amate Toma Macovei remane in le sito que corresponde a illo.

Iste dictionario contine non solmente le definition del parolas del IED, ma de multe milles plus prendite principalmente del obras lexicographic del senior Piet Cleij.

Imbracios amical

Territorialitate del Navarra Plen

MINI-STATUTOS DEL SNI

Mini -statutos del Societate Navarrese pro Interlingua

Membros fundatores:

-Aitor Antu

-Iñigo Domaika

-Joseba Gaztibeltza

-Josu Lavin

Objectivos:

-Travaliar pro le studio, cognoscentia e promotion de Interlingua e in le Navarra Integre e in le communitate international.

-Travaliar pro le studio, cognoscentia e promotion del lexico international de Interlingua presente in le basco (lingua navarrorum) e altere linguas navarrese, con le scopo de capacitar le lingua basc al mundo moderne.

Functionamento:

Le functionamento del Societate Navarrese pro Interlingua es e sera de accordo sempre con le plus pur derecto pyrenaic, isto es, illo sera absolutemente democratic e participative.

Conditiones de acceptation de membros del SNI:

Il non es condition necessari pro devenir membro del Societate Navarrese pro Interlingua saper scriber o parlar le lingua international, ma simplemente comprender lo in maniera passive.

Es condition necessari pro devenir membro del Societate Navarrese pro Interlingua esser statalista o soveranista navarrese.

60me Anniversario de Interlingua e Nascentia del SNI, le Societate Navarrese pro Interlingua

Hodie, 15 de januario es le DIE DE INTERLINGUA.

Le 15 de januario es le Die de Interlingua. Isto es le data in le qual - in 1951 - esseva obtenite le derectos de autor del prime obra in Interlingua, le Interlingua-English Dictionary publicate per le International Auxiliary Language Association. Nos celebra, dunque, hodie le 60me Anniversario de Interlingua, le Lingua International.

Le Union Mundial pro Interlingua (UMI) ha membros e representantes in cinque continentes. Le UMI esseva establite in julio 1955, quatro annos post le apparition de interlingua. Le UMI es juridicamente registrate presso le autoritates francese.

Iste mesme die nos annuncia le creation del SNI, le Societate Navarrese pro Interlingua, le gruppo del navarreses qui va travaliar pro le cognoscentia e promotion de Interlingua in Navarra.

Vos pote saper plus super le historia de Interlingua in iste direction web: http://www.interlingua.com/historia/

Lege plus re iste nova in http://www.interlingua.com/novas/2011-01-14-60annos

E hodie es tamben le 10me de wikipedia, le encyclopedia libere. In iste ligamine http://ia.wikipedia.org vos pote consultar le wikipedia in Interlingua.